حكمة العيد السعيد الجزائري
الجزائر رئيس ربي ينوب حكومة الله غالب شعب ربي يجيب اقتصاد ربي يستر تجارة ربي يلطف سياحة ربي يغفر صحافة ربي يخلف ثقافة الله يدوم الجهل الزراعة ربي يرحم الفلاحين الخزينة ربي يرحم الافلاس الاقتصادي الاداعة الله يجيب الخير التلفزيون واش من خبر جابوه الصوارة التربية واش من خير مع الشيخة رمعون الانترنيت البراكة في الشيخة فرعون والله يجيب الخير للشعب الجزائري والشر لاصحاب السلطان الجيعانين لاموال البترول
من اشعار سي الاوراسي
سي الاوراسي
القالب صحيح وكثرة الدبارة تدي
المليح مع القبيح ما تخلي راسك مع
الجايح يجيح ولاتبني دارك على
تراب الشيح مرارتو تبقي بعد سنين
ما تزيح تبقي تستني في الجنة وما
تقدملهاش الماء تشيح لي طاب جنانو
يقطف رمانو ويعطي رجليه للريح
نسكتو وما ناكلوش نخدمو وما
نخلصوش نعطشووما نشربوش
ومشاريعنا بريكولاج من لادروات
حتي لاغوش كي نمرضو
مانداووش وكي نموتو وبسبب
الازدحام مانندفنوش وكي جا
ترامب قلنا الرحمة في جورج بوش
قفة رمضان بالمعيرة والعيران
ما ضلا مساعدات بهدلوهم باسم
الاحسان لما خلاوهم يشيبوويريبو
في لاشان بلا حسبة او حسبان
درحوهم في القضيان وقبل ما يقدمو
الاعانات دارو الف اعلان واعلان
باش يسمعو فلان وفلتان
خلطة وبلطة والجرب يعدي
السلعة حاصلة في الحدود ماتتباع ما تصدي
ما فهموش واش يحددوا في الرخص من
منتوج غير مجدي زيروه جماعة لهيه
بالسياسة ما تجيب ما تدي ما كانش
حاجة اسمها استراتجية اقتصادية
كاين غير المرض المعدي
جفت الارض وقت الحرث والطفل
قبل موت باباه طالب بالورث
تخلطت على ماليها بلي فيها والاخلاق
تحطت في وسط الفرث ماشي غريب
الحال الدعوة متوقعة مند الازل
والفنا بالتخطيط الميت كيما والف
الفقير اللباس الرث
شعر سي الاوراسي ابن الاوراس باتنة عاصمة اثرياء الجزائر
2018
اغنية الحمد لله مابقاش الاستعمار
ليست هناك تعليقات:
إرسال تعليق